Гурт “РоСтра” пачаў музычную дзейнасьць у 2003 годзе. Самі музыкі акрэсьліваюць свой стыль як арт-рок. Спачатку сьвявалі па-расейску, але пасьля наведваньня фэсту “Крэўскія камяні” у “РоСтры” пачалі з’яўляцца беларускамоўныя песьні. Зараз склад гурта налі
ТГ. Што значыць назва вашага гурта?
ЭК. Ростра - гэта ўпрыгожваньне на карме карабля. Яна заўсёды глядзіць наперад, нясе нейкія новыя ідэі й ідэалы. Пэўна, гэта талісман для ўсіх удзельнікаў нашага гурта.
ВП. Так, гэта наш абаронца. Ён заўсёды наперадзе, таму пракладае новы шлях і вядзе нас за сабою, дапамагае ісьці сваім шляхам і ня быць ні на каго падобнымі.
ЭК. Дарэчы, раней нашая назва пісалася так - "Ростра". Але на нашым лягатыпе выпадкова літара "с" апынулася візуальна крыху вышэй за іншыя. Нехта з арганізатараў "Адборышча" вырашыў, што мы так адмыслова зрабілі, таму на афішах напісалі нашую назву як "РоСтра". Нам гэта спадабалася, цяпер будзем заўсёды выкарыстоўваць новае напісаньне.
ТГ. Як лічыце, што чакае Ваш гурт на "Басовішчы"?
ВП. Мы спадзяемся вельмі добра правесьці час, паглядзець на іншыя гурты, паказаць сябе. Хацелася б пазнаёміцца з аматарамі беларускай музыкі і атрымаць нейкі новы досьвед.
ТГ. На фоне іншых канкурсантаў ваш гурт выглядае слабейшым ці мацнейшым?
ЭК. Я лічу, што ўсе гурты прыблізна аднолькавага ўзроўню.
ВП. А мне падаецца, што "РоСтра" зусім не падобная на іншыя гурты і грае крыху іншую музыку, больш-менш павольную, лёгкую. Можа быць нават больш разнастайную. Меркаваць зараз пра тое, ці пераможам - даволі цяжка. Таму што гуртоў шмат, усе яны даволі цікавыя. Я спадзяюся, што на "Басовішчы" будзе створана атмасфэра дабрыні, і ніхто ня будзе вызначаць лепшага, бо ўсе мы робім адну справу. Але больш за ўсіх нам спабадаліся магілёўскія гурты - "Nevma" і "Vodar Susviet".
ТГ. Ці зможа гурт "РоСтра" стаць камэрцыйна пасьпяховым?
ВП. Пакуль камэрцыйнымі пытаньнямі мы не займаліся, бо зараз проста граем для людзей. Але я лічу, што гурт зможа знайсьці сваю нішу. У нас ужо ёсьць свой слухач. У дадзены час асноўная праблема у тым, каб знайсьці месца, дзе можна было б зрабіць добры запіс і паспрабаваць выдаць свой дэбютны альбом.
Размаўляў Аляксей Мінчонак, "Тузін Гітоў".
Фота: Юра Сідун, studenty.by
Вэрсія для друку
|
